 |
S.G.H.N. - Sección de Mamíferos mariños |
|
|
| Dende 1973 estudiando, divulgando e defendendo o patrimonio natural galego | |||
A sección de mamíferos mariños promove campañas de concienciación,
traballando para defender os ecosistemas mariños galegos, realiza estudos
sobre mamíferos mariños en Galicia e participou activamente na mobilización
internacional contra a caza das baleas dende o ano 1977, tendo un peso moi
significativo na paralización desta actividade en Galicia, que rematou coa
moratoria para tódolos cetáceos do ano 1985. |
|
|
|
“As poderosas baleas que nadan nun mar de auga cun mar de aceite nadando nelas”. FULLER, Estado profano e Estado sagrado
“... e o alento da balea é tan fedorento que trastorna o senso” ULLOA, América do Sur
“.España .... unha gran balea varada nas beiras de Europa” EDMUND BURKE, (nalgunha parte)
“A aorta dunha balea é dun diámetro maior que o tubo principal da instalación hidráulica da ponte de Londres, e a auga que ruxe a o seu paso a través dese tubo é inferior en ímpeto e velocidade á do sangue brotando do corazón dunha balea” ULLOA, América do Sur “Citas dun sub-subbibliotecario –Moby Dick” – Herman Melville”
(“ ... como a súa traquea se abre tan só ó tubo do seu canle do chorro e como ese longo canle ten unha especie de esclusas para reter o aire cara abaixo e impedir o paso da auga cara arriba, en consecuencia, a balea non ten voz; a menos que a ofendades dicindo que, cando retumba estrañamente, fala polo nariz. (...) ¿que ten que dicir unha balea?. Poucas veces coñecín a algún ser profundo que teña nada que dicir a este mundo, a menos que se vexa forzado a tartamudear algo como medio para gañarse a vida. “ “Moby Dick” – Herman Melville”
|
PRESENTACIÓN DA SECCIÓN DE MAMÍFEROS MARIÑOS
A sección de mamíferos mariños da SGHN ten unha longa e fructífera historia. Promoveu campañas de concienciación, loitando para defender os ecosistemas mariños galegos.
Realizou estudos sobre mamíferos mariños en Galicia, organizando as "Primeiras Xornadas Ibéricas" e nese coñecemento participou activamente na loita internacional contra a caza das baleas desde do ano 1977, tendo un peso moi significativo na paralización desta actividade en Galicia, que rematou coa moratoria do ano 1982.
A Sección colabora coa CEMMA, dende o ano 1993, no estudio
das poboacións de mamíferos mariños, tartarugas e quenllas na comunidade
galega, con dúas actuacións fundamentais: varamentos e avistamentos de
exemplares a todo o longo da costa, para o que conta con as pertinentes
autorizacións da Xunta de Galicia. Esta sección nutre de xeito moi
considerable os fondos biolóxicos do "Museo da Natureza",
conseguíndose*unha das máis completas coleccións de cetáceos da
Península.
Dende o ano 2000 a sección de mamíferos mariños ven a realizar traballos de
recuperación de lobos mariños e tartarugas na delegación de Ferrol. Estas
tarefas de asistencia á fauna mariña ameazada inclúense no marco dun
convenio de colaboración da Coordinadora para o Estudio dos Mamíferos
Mariños (CEMMA) coa Consellería de Medio Ambiente da Xunta de Galicia.
As liñas de traballo da sección inclúen ademais dos cetáceos,
tartarugas, quenllas, peixes e lobos mariños. Existe tamén desde o ano 2006,
un importante proxecto de investigación con cranios fósiles de cifios, en
colaboración cun equipo europeo de paleontólogos.
