Xa temos aquí de novo a saída aos xardíns de Ferrol da mán da SGHN
Un ano máis, o vindeiro sábado 5 de outubro faremos baixo o patrocinio da Concellería de Educación do Concello de Ferrol, a saída guiada dende a delegación polos xardíns históricos da cidade. Será coma sempre dentro da actividade “A Biblioteca sae ao medio: interacción libro-natureza“.
O paseo partirá ás 11:00 h dende a Praza das Angustias e conta cun percorrido de 2,87 km no que revelaremos algunhas das especies de flora e fauna que comparten os máis antigos dos xardíns urbanos da cidade de Ferrol, e onde descubriremos a vida dentro do ambiente urbano.
Importante
- Punto de encontro: https://maps.app.goo.gl/sYtBZbkyrakiSwnt8
- Hora de inicio: 11:00 h.
- Máx. 20 persoas + guía.
- Inscrición obrigatoria para participar:
- Teléfonos 698 141 384 – 881 931 315.
- Necesario aportar nome, apelidos e DNI para suscribir un seguro de responsabilidade civil nominativo para cada participante.
- Os menores de idade deberán asistir acompañados por unha persoa adulta.
- Recomendamos roupa e calzado cómodos e acordes coa meteoroloxía, así como paraugas, bebida e crema solar se procedese.
