A Sociedade Galega de Historia Natural (SGHN) e Mar de Fábula teñen previsto, por segundo ano consecutivo e no mes de febreiro, levar adiante unha limpeza de lixo mariño na praia de Doniños este vindeiro domingo 22 de febreiro, para retirar a grande cantidade de residuos que os recentes temporais teñen depositado ao longo das liñas de marea deste espléndido areal.
Convidamos a todas as persoas voluntarias que se queiran unir a nós nesta importante acción ambiental para aliviar ao mar de todo o mal trato que lle damos, de todo o que lle sobra, de todo o que non é seu.
- Día e hora da limpeza: domingo 22 de febreiro, ás 11:00 horas.
- Lugar de encontro: Aparcamento na parte norte da praia.
- Material: a organización levará todo o necesario.
- Recomendación: usar botas de goma.
Aos efectos das coberturas de seguro obrigatorio para accións de voluntariado ao aire libre cómpre anotarse, antes das 20:00 horas do sábado, na dirección de correo info@mardefabula.gal ou chamando ao teléfono 608609042.
Esta acción ambiental contará co apoio loxístico do concello de Ferrol.
Vémonos o domingo na beira do mar !
