A colonia de Alfonso-Poboadores
Por terceira vez nos últimos dous anos, SGHN ven de dirixirse ao Concello de Vigo e á Consellería de Medio Ambiente alertando do risco de destrución dunha das derradeiras colonias de nidificación histórica en Vigo do cirrio común (Apus apus).
A colonia, con alomenos 30 parellas reprodutoras, atópase nos ocos do muro de pedra baixo o voadizo do paseo de Alfonso sobre a rúa Poboadores, voadizo que se está a demoler para a construción do túnel de Elduayen-Barrio do Cura.
Unha especie protexida
O cirrio é unha especie protexida segundo o LESRPE, o Catálogo Español de Especies Ameazadas e a Directiva Aves. Por iso, SGHN ven de solicitar ao Concello e á Consellería que se adopten medidas compensatorias para evitar a desaparición da colonia. Afortunadamente, existen solucións técnicas sinxelas e asequibles para compensar a perda de niños de cirrio que se empregan cando non hai alternativas á destrucción dos niños.
Existen manuais técnicos e proxectos realizados noutras cidades baseadas na construcción e adaptación de caixas-niño artificiais con materiais resistentes de longa duración (ladrillo, barro, cemento) coma orificios de ventilación con cavidades, ladrillos-niño e torres de nidificación de cirrios, coas características axeitadas en canto a dimensións das oquedades de cría e os tamaños de orificios de entrada.
Exemplos de caixas-niño para cirrios
- https://www.actionforswifts.com/afs-s-brick
- https://www.ibstock.co.uk/product/ecohabitats/swift-box
- https://www.veldshop.nl/en/swift-block-swift-box.html
- https://www.swift-conservation.org/swift_bricks.htm
- https://www.manthorpebp.co.uk/environmental/swift-nesting-brick/swift-nesting-brick-6
- https://www.schwegler-natur.de/portfolio_1408366639/mauersegler-keilkasten/?lang=en#
