8ª ACTUALIZACIÓN DO ATLAS DOS ANFIBIOS E RÉPTILES DE GALICIA. Ano 2018

Durante o ano 2.018, o atlas de anfibios e réptiles de Galicia acadou un total 21.876 datos de anfibios e réptiles, dos cales 5.079 (23,2%) son datos novos respecto ó atlas publicado. De anfibios acadáronse 13.330 datos e de réptiles 8.546 datos totais.

No informe realizado, de libre acceso e descarga, podemos ver diversas novidades en especies de escasa distribución e incluso a introducción de poboacións foráneas. É o caso da lagartixa dos muros (Podarcis muralis) na cuadrícula 29TNG27, no Concello de Vigo, e que se suma á localizada no ano 2017 no Concello de Coristanco.

A Sección de Herpetoloxía ten que agradecer a todas e cada unha das 422 persoas ou entidades que aportaron algún dato dende o inicio do proxecto, alá polo ano 2005, ata o ano 2018. Sen eles non houbera sido posible este proxecto, realizado integramente de xeito altruista.

  • Divulga ti tamén!