Nova cita dentro do ciclo de conferencias “XUNTANZAS NATURALISTAS (Ed. 2023)” baixo o patrocinio da DEPUTACIÓN DA CORUÑA.
ORGANIZA: Delegación de Ferrol da SGHN
LUGAR: Auditorio do Museo de Historia Natural da SGHN en Ferrol
DATA E HORA: Venres 15 de decembro, ás 19:30 h
PATROCINA: Deputación da Coruña
Diego Juffe é director de Biodiversity Decisions e membro da World Commission on Protected Areas (WCPA) e da IUCN Commission on Ecosystem Management (CEM) da IUCN. Elabora a súa tese no Durrell Institute of Conservation and Ecology (DICE) da Universidade de Kent (Reino Unido).
En tempos nos que a actividade socio económica e a conservación da biodiversidade figuran vencellados nas axendas dos principais decisores internacionais, Diego Juffe revisará as boas prácticas de empresa en temas de xestión da biodiversidade recomendadas a nivel internacional.
Ao longo da súa conferencia, poñerá o foco na xénese do impacto ambiental das actividades humanas, as dificultades para xestionalo, así como nas pautas para reducir a destrucción da natureza, introducindo o concepto “Nature Positive”, un interesante enfoque para conseguir deter e reverter a perda de biodiversidade cara 2030, en relación coa situación actual de 2020.
Educación Ambiental