Día 3: En 1582 o Papa Gregorio XIII axusta o calendario Xuliano, pasando a denomiarse Gregoriano, suprime do día 4 ao día 15.
Día 4: Aniversario do lanzamento en 1957 do primeiro satélite artificial, o Sputnik I.
Día 6: Ás 11:06 h Lúa Nova.
Día 8: Choiva de estrelas Dracónidas, actividade entre o 6 ao 31, cun máximo de 10 por hora o día 8.
Día 9: A Lúa e Venus moi próximos.
Día 11: Máximo de 2 por hora da choiva de estrelas Delta Auríxidas, actividade do 10 ao 31.
Día 12: Ás 02:25 h a Lúa en Cuarto Crecente.
Día 14: A Lúa e Saturno moi próximos.
Día 15: A Lúa e Xúpiter moi próximos.
Día 20: Ás 14:56 h Lúa Chéa.
Día 21: Choiva de estrelas Oriónidas, actividade do 2 de outubro ao 7 de novembro, cun máximo de 20 por hora o día 21, son producidas polos restos do cometa Halley.
Día 28: Ás 20:05 h a Lúa en Cuarto Minguante.
Día 31: Aniversario da absolución polo Vaticano do astrónomo Galileo Galilei polo cargo de herexía ao manter a teoria heliocéntrica (1992).
Planetas
Mercurio en Virgo visible media hora antes do amencer, cunha magnitude de 1,64.
Venus en Escorpio poderase observar durante unha hora despois do solpor, cunha magnitude de -4,39.
Marte en Virgo pola súa proximidade ao Sol non é visible, magnitude 1,65.
Xúpiter en Capricornio pode verse ata 2 horas despois de medianoite, cunha magnitude de -2,6.
Saturno en Capricornio pode verse ata 1 horas despois de medianoite, cunha magnitude de 0,54.
Urano en Aries visible toda a noite, magnitude 5,66.
Cometas
Tan só 6P/d’Arrest (2021), con magnitude 9 en Saxitario, e 67P/Churyumov-Gerasimenko (2021), con magnitude 9 en Xéminis, poden verse cun telescopio pequeno. Os demais pola súa magnitude son dificilmente localizables.
Na imaxe podemos ver o ceo cara ao sur, o día 15 de outubro ás 24 horas.
