Se pertences á SGHN, aquí tes esta nova actividade baixo o patrocinio do Concello de Ferrol, na que podes participar e traer xente non socia para que tamén poida tomar parte! Daremos a coñecer á cidadanía, mediante xuntanzas participativas, as novidades do eido naturalístico:
- material biolóxico ou xeolóxico do museo;
- novidades bibliográficas alleas e propias;
- expedicións;
- excursións a espazos naturais;
- visitas a outros museos de Ciencias Naturais e de Historia Natural;
- proxectos de actividades,
- memorias das realizadas,…
Cada xornada será recollida en forma de resume para posteriormente publicalo nun formato aberto en PDF semellante ao presente, que será difundido nas RRSS da SGHN e outras. A actividade será gratuíta e aberta a todo tipo de público con este tipo de inquedanzas: persoas socias da SGHN; profesorado; visitantes do museo con carácter libre e moi especialmente, para o público familiar xuvenil e infantil. Será en dous venres ao mes: o primeiro e o penúltimo, de 17:00 a 18:00. De cadrar en festivo, posporase a quedada para a seguinte xornada prevista.
Anímate a participar. Tes un oco no salón de actos.
