O domingo 26 de abril, na Delegación das Mariñas realizamos unha nova saída, do programa acordado co Concello de Sada. Desta volta achegámonos a outro espazo senlleiro da comarca: O Monte Xalo.
A pesares da urbanización desregulada e as plantacións forestais, preserva esta contorna interesantes valores ambientais e culturais, aos que tentamos achegarnos nun breve percorrido de 7 Km.
A Pedra Mazafacha, o petróglifo no Coto das Bestas, O Altariño ou a ameazada braña do Caroliño (ameazada pola eucaliptización e máis o proxecto dunha Central de Bombeo), foron algúns dos pontos polos que transitamos.
- https://turismoculleredo.gal/project/monte-xalo
- https://gl.wikipedia.org/wiki/Monte_Xalo
- https://www.montexalo.org
