Esta composta ten a súa orixe en México, sendo citada en Galicia por vez primeira no ano 1950. O seu uso en xardinería foi o motivo da súa introdución, pero ao escapar facilmente dos cultivos, foi ocupando os muros, os empedrados e as fendeduras das rochas, sobre todo os umbríos. Forma un tapiz continuo que exerce unha forte competencia polos escasos recursos do sustrato, e impide o crecemento doutras especies típicas destes espazos como a herba das paredes (Parietaria judaica), os paxariños (Cymbalaria muralis), o pan de lagartos (Sedum sp.), o couselo (Umbilicus pendulinus), o fento das pedras (Polypodium vulgare), ou os musgos, liques etc., provocando unha perda de biodiversidade autóctona.
Pittosporum tobira (Thunb.) W.T. Aiton
Oenothera rosea L’Hér. ex Aiton
Cuscuta campestris Yunck
Bidens frondosa L.
Liques de Galicia