Nos últimos tempos comenzouse a ollar polas nosas praias a presenza de “buscatesouros” equipados con todo o preciso para “limpar” os areais de todo obxecto potencialmente valioso. Pero, en tan afanosa busca, non se preocupan pola abondosa “basuraleza” que nos vomita de volta o mar, farto das enormes cantidades de lixo que recibe a diario. Semellanse demasiado ás brigadas de “limpeza” que eliminan a vexetación ao desbrozar ao carón de camiños, pistas ou estradas pero deixan canto lixo hai.
![](https://sghn.org/wp-content/uploads/2022/06/Buscatesoros-1024x639.jpg)
Afortunadamente, tamén cada día se ven máis persoas que son uns auténticos tesouros, que buscan e recollen a “basuraleza”, tanto nas praias como no resto do medio natural.
![](https://sghn.org/wp-content/uploads/2022/06/Limpeza_praia_voluntarios-1024x640.jpg)
A que agardas para unirte aos que axudan a eliminar a “basuraleza”? Imaxina que os centos de milleiros de bañistas que disfrutan das nosas praias, mariñas ou fluviais, simplemente recollen o lixo nun radio dun par de metros arredor das súas toallas. Imaxina que só retiran o lixo, e deixan as algas e outros restos naturais que cumpren unha función nas praias. O resultado sería increíble!
Lembra que de ti depende ser parte do problema ou da solución.
Lembra que non hai maior erro que o de quen non fixo nada pensando que só podía facer un pouco.