O Museo de Historia Natural da SGHN incorpora á súa colección de réplicas de cetáceos a escala real, a dunha candorca de preto de 6 m de lonxitude que foi moldeada a partir dun exemplar femia abeirado na costa de Burela o 5 de abril do ano 2002. Para a preparación desta peza o museo contou coa colaboración da Escola de Arte e Superior de Deseño Pablo Picasso.
Xunto a esta interesante réplica, presentarase tamén o esquelete do animal que recuperou e preparou polo persoal do museo.
O acto de presentación terá lugar o vindeiro martes día 9 de maio ás 19:30 h. A entrada será libre ata completar aforo. Esta presentación forma parte dos actos que a SGHN está a organizar en conmemoración do seu 50 aniversario.
![](https://sghn.org/wp-content/uploads/2023/05/Candorca-2023-1024x770.jpg)
As actividades do Museo de Historia Natural da SGHN están financiadas pola Concellería de Medio Ambiente do Concello de Ferrol, polas cotas das persoas asociadas e as doazóns do público visitante.
Queres coñecer máis desta candorca? Visita as entradas anteriores da nosa web onde contabamos os comezos dos traballos, e viaxábamos no tempo achegando algunhas entradas e novas de prensa da época en https://sghn.org/orcinus-orca-linnaeus-1758/