Ciencia cidadá para todas as persoas
Sociedade Galega de Historia Natural (SGHN) vai colaborar coa “Sociedad Española de Ornitología” (SEO) e a Sociedade Galega de Ornitoloxía (SGO) no III Censo nacional de Cegoña branca invernante, promovido por SEO BirdLife.
![](https://sghn.org/wp-content/uploads/2020/09/Ciconia_ciconia_bando_premigratorio_SGP-1024x314.jpg)
Trátase dunha boa oportunidade para participar nunha experiencia de ciencia cidadá ao alcance de calquera persoa recollendo datos que aporten máis coñecemento sobre o comportamento da especie e sobre as variacións dos seus hábitos.
A data central do censo de Cegoña branca invernante é a fin de semana do 24 e 25 de outubro (permitíndose 10 días antes ou 10 días despois en función da climatoloxía ou da oportunidade para a mellor realización do censo).
![](https://sghn.org/wp-content/uploads/2020/09/Ciconia_ciconia_SGP.jpg)
Para mellor coordinación é imprescindible coñecer as persoas que van colaborar e as zonas que se poden cubrir, para así completar toda Galicia, por eso hai que inscribirse nos nosos correos de censos habituais:
- censociconia2019@sghn.org
- ourense@sghn.org